alwidaa....

Aakhir ,
kuch lamho baad .
toot to jaayegaa tujhse naataa mera,
Aakhir ,
kuch lamho baad,
alag ho jaayegaa tujhse rishta mera,
par
meree jindagee kaa eik hissaa
tum jo apane saath liye jaa rahe ho
tumse gujaarish hain,
use hameshaa sahej kar rakhanaa.
Mana,
yaadon mein gum kee parchaayee
ki sivaa kuch bakee bhee nahin,
Yaadon mein sivaay dard ke
aur kuch shaamil bhee nahin
par phir bhee
tumshe gujaarish hain
hameshaa meree yaadon mein
kabhee kabhee aate jaate rahanaa.
khair,
ab jindagee ke iss modh par ,
tumse ab mujhe
mehshoosh hotee koi shikaayat nahin,
vaise bhee jaane waale se,
shikaayat karanaa koi ravaayat to nahin.
issee duaa ke saath
main tumharaa saath chchodataa hoon,
issee duaa ke saath
main tumse moohn modataa hooon,

salaamat raho tum sadaaa,
tumharaa jeevan phool ban kar khile,
jo bhee mujhse naa mil paayaa tumhe,
vo aane waalee jindagee mein tumhe mile.