Ajeeb se ehshaash

Kabhee kabhee ,
waqt ke eik katare mein ,
Kai sadiyaan simat ke rah jaatee hain.
Kabhee Kabhee,
dhadhkane chalatee rahatee hain,
par jindagee eik jagah ruk jaatee hain.

naa hi koi shikava ,
naa hi koi shikaayat,
puraee wafaa kaa Vaasataa,
tootate dil kee duaa,
koi bhee mere kaam aa naa sakee

Jaane waale ko lautaa lanaa
shaayad mumkin hi nahin hotaa hain,
Eik baar paar kee jisane ghar kee chaukaht,
shaayad phir kabhee
vo chahkar bhee wapis aa naa sakee

kabhee kabhee
jis pal ke intjaar mein
waqt tham saa jataa hain,
uss pal ke aahat
bechainee kaa sabab banane lagatee hain.

kabhee kabhee,
jis khushee ke intjaar mein,
waqt tham saa jaataa hain,
uss khushee kee aahat,
dil ko bahut jaydaa chubhane lagatee hain.

kabhee kabhee,
kuch mil jaane ke baad bhee,
kisee cheej kee kamee,
bheetar hi bheetar
dil ko kuradatee se rahatee hain.