Iss Diwalee Par

Iss Diwalee par,

Jeevan ke har eik pal ko

Khushiyon kee baraat mile,

Eik naye utsaah se

Aapakaa rom rom khile,





Iss Diwalee par,

Dil mein khushiyon kee vandanwaar saje,

Aankhon ko laakhon sapano kaa uphaar mile,

Aur Aankhon mein palate har sapane ko,

Haqeqat kaa bhee saath mile,





Iss Diwalee par,

Man mein rah paaye

naa koi bhee avsaad ,

Jeevan mein sukh kaa

Bharppor miltaa rahe swaad,



Iss paawan parv par

Prabhoo se hain baar baar bas yahee prathanaa,

Prabhoo purn kare

Aapakee aur aapake pareevaar kee har shubh-kaamanaa

Aisee Mangalmay Ho Iss Baar Deewalee

Dhan dhaanya se bharaa aapkaa ghar-baar ho,

Increment kee khoob jam kar baushaar ho,

Saath aaye bonus bhee atee bhaaree,

Aisee mangalmay ho iss baar deewalee



High priority kaa koi bug naa aaye,

Sab log 6 baje kee cab se ghar jaaye,

Customer support kee team baithe pure din khaalee,

Aisee mangalmay ho iss baar deewalee



Company ke share price mein

uchaal aaye badaa bharee,

har samay rahe bharee bharee ,

naa ho kisee kee jabe khalee,

Aisee mangalmay ho iss baar deewalee.



Kunwaaron ko mile gharwaalee ,

Gharwaalon ko mile baaharwalee,

Aur by chance agar aapake paas dono ho,

To baaharwalee se kabhee naa mile gharwalee

Aisee mangalmay ho iss baar deewalee

Main Bhagwaan hoon

aaj main bahut pareshaan hoon,
isaliye aaj ke ilye,
Main Bhagwaan hoon.

Insaan bante bante ,
main bahut bore ho chukaa hoon,
isaliye aaj ke liye,
Main bhagwaan hoon.

Jo tumharee khwaahish ho
tum mujhse maang sakate ho,
puree hone kee koi guarantee nahin,
kyonki,
aaj ke liye,
Main bhagwaan hoon.

Tum jaise paapiyon ko banaate banaate
bhagwaan bhee ab thaq chukaa hain,
ab aaj bhagwaan rest karenge,
isaliye aaj ke liye ,
Main bhagwaan hoon.

Mujhse pangaa lene se pahale,
Mujhe kuch kahane se pahale,
tum thodaa soch jaroor lenaa,
kyonkee ,
aaj ke liye,
Main bhagwaan hoon.

vaise ab,
tum Maano yaa naa Maano,
Yeh tumharee marjee,
par aaj ke liye,
Main bhagwaan hoon.

badalate ehshaash

Naa tere gum kee parchaayeeaan,
Naa tere pyaar kee rushwaayeeaan,
Jindagee le aayee hain,
Jahaan acchee lagane lagee tanhaayeeaan.

Andhere dil ke ab chchatane lage,
Teree yaadon ke pahare hatane lage,
Door talak saaf najar aaye jahaan,
Milee hain dil ko aisee uchaaeenyaa.

Door talak khulaa aakaash ,
Baheen khole khadaa hain swaagat mein,
eik nayaa geet hoton par liye,
gungunaa rahee hain meree pareshaaniyaan.

Dil kee dhadhkane,
Eik baar phir khilkhilaa uthee hain,
Naye daur kee shuruaat hain yeh,
Likhenge dil par fir nayee kuch kahaayniyaan.

Aaj

Aaj
Subah se,
Dopahar tak,
Dopahar se,
Shaam tak.

Naa koi phone,
Naa koi mail,
Naa koi sms,


mere blog par bhee,
koi comment nahin,
Yahoo par bhee,
kisee ne kiya login nahin.

Itanaa Tanhaa to Main,
Kabhee naa thaa.

Yeh Kaisee Jindagee

Mohabbat kar to le,
Par baar baar thukraatee hai jindagee,
Jaane kaise kaise rang,
Dikhaatee hai jindagee.

Jahaan se chale the,
Laut kar waheen aa gaye hain,
Baar baar khud ko,
Dohraatee hai jindagee.

yeh to shuruaat hain,
abhee to puree jindagee baakee hain,
yahee kah kar baar baar,
daraatee hai jindagee.

Mujhe rotaa dekh,
Mere saamane aainaa rakhatee hain,
Meree ronee soorat dikhaa dikhaa kar Mujhe,
hanshaatee hai jindage.

Meraa dil eik saraay (dharma shalaa),
Ban gayaa hain shaayad,
Har roj nayaa koi kiraaydaar isame,
Laatee hai jindagee.

Hanshaa kar rulaatee hai,
Rulaa kar hansaatee hai,
Mere baune pan par jaise meraa majaak,
udaatee hain jindagee.

Eik baar Fir

Eik baar fir,
Naa jaane kyon,
Dil thodaa udaas hain,
Eik baar fir,
Kuch khone kaa,
ho rahaa Eshaash hain.

Eik baar fir,
Naa jaane kyon,
Aankhon mein namee see hain.
Eik baar fir,
Jindagee mein kahin,
Kisee kee kamee see hain.

Eik baar fir,
Naa jaane kyon,
Kisee ne dil ko chuaa hain.
Eik baar fir,
Apanee tanhaayee kaa,
Ehshaash mujhe huvaa hain.

Eik baar fir,
Naa jaane kyon,
Khaalee khaalee saa lag rahaa hain.
Eik baar fir,
aankhon mein kuch,
aa aaa kar atak saa rahaa hain.

Eik baar fir,
Iss dil ke hathon,
Shaayad,
dobaraa lootaa gayaa hoon main.
Eik baar fir,
Iss dil ke hathon ,
Shaayad,
Jindagee haar aayaa hoon main.

Humane Sanam ko khat likhaa

Humane sanam ko khat likhaa,
Tamaam haal–e-ulfat likhaa
Humane sanam ko khat likhaa
Khat mein har eik baat thee,
Pahalee ghadee kee yaad thee,
Jab pahalee baar unahe dekhaa maine,
Phir aur kuch kahaan dekhaa maine.
Vo iss par thee ,
Main uss paar thaa,
Unase Najar milaane ke liye,
Main bahut bekaraar thaa.
Najare milee , nain lad gaye,
Uss eik lamahe mein,
Hum unake pyaar mein pad gaye.
Phir akshar unakee soorat,
Ko hum dhoondhaa kiye.
Har galee , har koonche se,
Unakaa rastaa dekhaa kiye.
Fizaa mein khamoshee thee,
Par hum bekaraar the.
Unko haal-e-dil sunaane ko,
Hum bahut behaal the.
Par unake saamane,
Dil kee baat,
Hothon par aatee hi nahin thee.
Par unake saamane,
Dil kee baat,
Humse kahee jaatee hi nahin thee.
Fir badee himmat kar,
Humane sanam ko khat likhaa.
Tamaam haal-e-ulfat likhaa.

Samaa eik dum se,
Jaise badal saa gayaa.
Rah Rah kar dil,
Naach uthataa thaa.
Baar baar unake jawaab,
Kee aahat sunataa thaa.
Ab Chupake chupake hum,
Unahe dekhaa karate the.
Apane khat kaa jawaab,
Unake chehre par dhoonda karate the.
Par jiss samay hum,
Mohabbat ke nashe mein choor the.
Hume pataa hi kahaan thaa,
Jisake haath meraa khat lagaaa,
Vo unake abbaa hujoor the.
Kaise kaise unhone kee hamaare thukaai,
Kyaa kahen,
Kaise huvee unake saamane meree ruswaai,
Kyaa kahen,
Bedardee se unake vaalid hume
Thokate rahe,
Aur hum pitate pitate yahee
Sochate rahe
Kyon ,aakhir kyon
Humane Sanam ko khat likhaa
Tamaam haal-e-ulfat likhaa.

Kuch Shikave...Kuch Shikaayaten

Gum kee aisee intehaan ho gayee,
Khushee bhee gum kaa nishaan ho gayee,
Mehfillon se apanaa koi naataa naa rahaa,
Khaamoshiyaan jab se meharbaan ho gayee.

tukadon mein yun milee hain jindageee,
jaise kishton mein milee hain jindagee,
chand pal gum ke yun uthaaye hain humane,
jaise eik kisht sukh kee,adaa ho gayee.

Phoolon kee chuhan, kaaton kee chuban,
Dono mein faaslaa jayadaa to nahin,
Kisee ko kaanton se hotaa hain gilaa,
Kisee ko phoolon se hi shikaayat ho gayee.

akshar sharmeendigee mehshoosh hotee hain,
jindagee jeenaa hum seekh naa sake,
khushee mein hum mushkuraa diye,
gum mein aankhen geeelee ho gayee.

मेरे लिए बहुत ख़ास हो तुम

एक खोया हुआ एहसास हो तुम ,
मेरे लिए बहुत ख़ास हो तुम ।
मेरे होठों की प्यास हो तुम ,
मेरे लिए बहुत ख़ास हो तुम ।

जिंदगी के कुछ कोमल नाजुक पल ,
कभी मुस्कुराते कभी शर्माते पल ,
इन पलों की खामोश आवाज हो तुम ,
मेरे लिए बहुत ख़ास हो तुम ।

रात के अंधेरे में जब चाँद ,
तारों की चादर ओडकर सो जाता है ,
मेरी जागती आंखों के ख्वाब हो तुम ,
मेरे लिए बहुत ख़ास हो तुम ।

तुमसे मिलकर एक तमन्ना ने फ़िर से ,
दिल के दरवाजे पर दस्तक दी है ,
एक नयी धड़कन का आगाज हो तुम ,
मेरे लिए बहुत ख़ास हो तुम ।

तुम्हारे आने से पहले ,
तुम्हारे जाने के बाद ,
एक लंबा सा इन्तजार हो तुम ,
मेरे लिए बहुत ख़ास हो तुम ।

मेरी जिंदगी के इस मोड़ पर ,
दिल के सामने हैं अब चंद सवाल ,
पर हर एक सवाल का जवाब हो तुम ,
मेरे लिए बहुत ख़ास हो तुम ।

कहने को तो बहुत कुछ है ,
पर कुछ कहने की जरूरत भी क्या है ,
जब हरदम मेरे दिल के पास हो तुम ,
मेरे लिए बहुत ख़ास हो तुम ।

जिससे मिली मेरे ख़्वाबों को ,
हर पल एक नयी ऊँचाई ,
मेरा वो आकाश हो तुम ,
मेरे लिए बहुत ख़ास हो तुम ।

हसरत तो अब यह भी नहीं है ,
हसरत मेरी यह पुरी हो जाए ,
एक उन्बुझी प्यास हो तुम ,
मेरे लिए बहुत ख़ास हो तुम ,
और काश ,
हमेशा ऐसे ही ख़ास बनी रहो .

Aie zindagee mujhe tujhse mohabbat hain

faasalen hain dooriyaan hain,
befijool kee majbooriyaan hain.
dard bharee mushkaan hain,
eik gum kaa samaan hain.
kai baar yun bhee lagataa hain
zindagee ,zindagee par iljaam hain.
par phir bhee
Aie zindagee mujhe teree jaroorat hain
Aie zindagee mujhe tujhse mohabbat hain


Dil mein dard kee parchaayee hain,
Dil mein doston se milee ruswayee hain,
Baar baar eik kasak see uthatee hain,
Baar baar eik dard mahshoosh hotaa hain
Kai baar yun bhee lagataa hain,
Zindagee, maut kaa doosaraa naam hain
par phir bhee
Aie zindagee mujhe teree jaroorat hain
Aie zindagee mujhe tujhse mohabbat hain


Aankhon mein andhere palate hain,
Jab tab sapane toot kar bikharate hain
Taaron par gardison ke baadal hain,
Khushee nee audee gam kee chaadar hain
Kai baar yun bhee lagataa hain,
Zindagee, kisee sazaa kaa paigaam hain
Par phir bhee
Aie zindagee mujhe teree jaroorat hain
Aie zindagee mujhe tujhse mohabbat hain

Chalo thodaa saa romantic ho jaayen

Kisee haseen ke kadamo ke neeche
Apane dil ko baar baar bichaayen
Aajkal apanaa bhee mood banaa hain,
Chalo thodaa saa romantic ho jaayen.

Kisee mrig-nayanee kee aankhon mein,
Dare tak, door tak gote lagaayen,
Kisee sapanaa ko apanaa sapanaa banaaye
Chalo thodaa saa romantic ho jaayen

Kisee chaand kee aankho kaa taraa bane,
kisee ke dil se nikalatee aawaaj bane,
kisee ke liye bahut hi khaas ho jaayen
chalo thodaa saa romantic ho jaayen

Kisee chanchalaa par koi fikaraa kasen,
Kisee balaaa ko baahon mein kasen,
Kisee ke baalon mein phool lagaayen
Chalo thodaa saa romantic ho jaayen

Kisee kaa raahon mein peechaa Karen,
Kisee ko dekh kar baayeen aankh dabaayen,
Kisee ko dekh kar jor se seeteen bajaaye
Chalo thodaa saa romantic ho jaayen.

Kisee manchalee ke komal haathon se
Apane gaalon ko sikwaayen,
Kisee haseen kee pyaraa saa sandel khaayen,
Chalo thodaa saa romantic ho jaayen

Kisee ke baap se huvee thukaai yaad Karen,
Kisee mohalle mein huvee ruswaayee yaad Karen,
Inahe yaad karate karate apanee daadee khujaayen
Chalo thodaa saa romantic ho jaayen.


Jise banaanaa chahaa thaa apaneee lugaai,
Aur usane banaa dalaa hume apanaa bhaai,
Apane tooten dil par thodaa marham lagaayen,
Chalo thodaa saa romantic ho jaayen.