Kuch Ehshaash Adhure se

Aankhon mein ashq
Hothon par fariyaad
Aise huve hum
Ishq mein barbaad

Kuch Ashq gire,
Kuch najar mein rah gaye,
Kuch mattee mein mile,
Kuch teree tasveer ban gaye.


***********

Kyaa majaa hain
Apane bhee hone mein,
Katee hain umar tamaam
Bas rone mein.

Beet jaatee hain umar
pyaar paane mein
Lagataa hain eik lamhaa
Sabkuch kone mein.

Riston Kee chaadar
aise hi nahin banatee,
kai jindagee lagatee hain
eik jindagee sajone mein.

****************
Kai sadiyaan saath bitaayee
Tab eik lamhaa milaa thaa
Kai kaliyaan gulshan se churaai
Tab eik phool khilaa thaa

wo eik pal

vo pal,jab tum
saath chchod kar chal diye,
naa waapis mudh kar dekhaa,
naa hi kabhee koi aawaaj dee.
kabhee kabhee lagataa hain,
meree jindagee us eik pal
mein tahar see gayee hain.

Par jindagee eik pal mein
simat to sakatee nahin,
thodee dare ke liye
tahar to sakatee hain,
hameshaa ke liye
to ruk sakatee nahin.

yeh baat aur hain,
aaj bhee teree yaad,
eik tees se ban
dil mein uthatee hain
aur andar tak cheer jaatee hain.
yeh baat aur hain,
aaj bhee tere saath,
bitayaa huvaa har khushnumaa lamhaa
mujhe gudgudaa jaataa hain.

ab Ulfat kee har rasam
iss tarah nibhaa letaa hoon,
un lamho ko yaad kar ke
chand aansun bahaa letaa hoon

aur ab shaayad dil
gum uthaate uthaate thaq gayaa hain
isee liye shaayad ab
naa teraa intjaar
naa teree chahat
naa teree arjoo
na teree justjoo
iss dil ko kahin
kuch mahshooh hotaa nahin.

kuch to hain,
jo peeche kahin choot gayaa hain,
tere mere beech,
hameshaa ke liye toot gayaa hain.
achaa hain agar,
baakee jo bachaa hain
vo bhee toot jaaye,
too mujhse aur main tujhse
pakkee tarah chchoot jaaye

Main aur Main

Akshar khud se karataa hoon baatein
Akshar khud ko pakataa hoon.
Bahut bore huvaa hooon main,
jab bhee khud se milane aataa hoon.

Kabhee Kabhee main aisaa bhee karataa hoon
khud ko hi "shendi" lagataa hoon.
Khud ko khud se milane aate dekh
patalee galee se kalatee ho jaataa hoon.

Aapanee hi baatein sun kar
khud se main pareshaan hoon ho chalaa .
Kitanaa manhoosh din thaa vo
jab main pahalee baar khud se milaa

Pareshanee hain ki khud se khud ko
judaa bhee nahin rakh pataa hoon,
jahaan par bhee main jaataa hoon,
wahaan par main khud ko pataa hoon.

kash koi to aisaa din bhee aaye,
jab main bilkul tanhaa hotaa,
thodee dare ke liye hi sahee
par khud kaa ehshaah naa hotaa